Vimianzo comeza a renovación dos 4.000 puntos de luz que hai nos seus 133 lugares

Arrincaron as obras de substitución do alumeado exterior do Concello de Vimianzo. Un deses importantes proxectos realizados para reducir a contaminación e facilitar o aforro enerxético municipal que se veñen desenvolvendo por toda a bisbarra, subvencionados polo Instituto para a Diversificación e Aforro de Enerxía (IDAE), da man do Ministerio de Transición Ecolóxica. No caso vimiancés son máis de 2,3 millóns de euros, dos que o Concello terá que aportar case medio millón.

O Concello aforrará máis do 50% na facturación deste servizo co cambio de tecnoloxía LED nas case 4.000 puntos de luz que hai nos 133 lugares vimianceses. Pero máis importante é a redución impacto ambiental, xa que as novas bombillas empregan o 95% da enerxía da luz e tan só se desperdicia un 5% en calor, facéndoas máis duradeiras.