Un documental sobre a contaminación abre a III edición dos Premios Fouciño

O festival de cinema de Baio comezou coa proxección dun documental sobre a contaminación O edificio do antigo cine Pomares de Baio acolleu onte o arranque da III edición dos Premios Fouciño (organizados polo concello de Zas) coa proxección do documental “Fóra”, dirixido e guionizado polo xornalista Rodrigo Cota. “Fóra” é un documental que se presentou en febreiro de 2018 e que recolle o rexeitamento ao complexo industrial de celulosas ENCE-ELNOSA asentado na ría de Pontevedra. O traballo dálle voz aos protagonistas que encabezaron a loita contra a papeleira desde as súas orixes ata a actualidade. Dálle voz aos colectivos pesqueiros, marisqueiros, conserveiros, bateeiros e do turismo que son os que sufriron e sofren de xeito directo o impacto ambiental da papeleira e que levan amosando a súa oposición desde os anos 60. Semana do audiovisual

Durante toda esta semana proxectaranse no local municipal do edificio Pomares de Baio documentais sobre distintas temáticas sociais Hoxe continúan as proxeccións no edificio Pomares de Baio. Será o turno de "Costa da Morte", producida por Zeitum Films e dirixirida por Lois Patiño. Nela nárrase a interacción entre a paisaxe, o clima e os habitantes da Costa da Morte. Esta película-documental obtivo varios premios en numerosos festivais, como o de Locarno, e presentouse en festivais de todo o mundo recollendo tamén galardóns en Chile, Corea do Sur, México, Filipinas e Arxentina, entre outros. En 2014 levou un premio FEROZ, un Mestre Mateo ao mellor documental e foi premio da Crítica en España. A proxección de Costa da Morte comeza ás 21:30 horas e a entrada é de balde. Novas relacionadas

• Fouciño 18: Arrancan os Premios Fouciño coa proxección de Fóra, un documental sobre a contaminación
• Fouciño 18: Os Premios Fouciño superan as 30 curtas a concurso
• Fouciño 18: Os Premios Fouciño ofertan un obradoiro para nenos e outro para adultos
• Fouciño 18: Últimos días para participar nos Premios Fouciño
• Fouciño 18: Ampliado o prazo para participar nos Premios Fouciño
• Fouciño 18: O audiovisual e a música volven a Baio na III edición dos Premios Fouciño
• Fouciño 18: Santi Romay, padriño dos Premios Fouciño
• Fouciño 18: MounQup e Igmig traerán as súas músicas ao festival dos Premios Fouciño
• Fouciño 18: Os Fouciños asaltan as aulas
• Fouciño 18: Os Fouciño volverán situar a Baio no centro do audiovisual galego.
• Interplay 18: O V Carballo Interplay recibe 256 webseries de todo o mundo.
• Fouciño 17: Curtas e moito máis nos Premios Fouciño de Baio:
• 06-07-17: Lucía Regueiro: “O sábado estarei por Baio para gozar coas curtamentraxes que participan nos Premios Fouciño”
• 25-06-17: “Cos Premios Fouciño queremos premiar a creatividade audiovisual da veciñanza”
• 20-06-17: Unha nova falsa sobre o descubrimento dunha anticitera serve de base para unha curta dos Premios Fouciño
• Fouciño 2016: Os Premios Fouciño convertiron a Baio na capital audiovisual da Costa da Morte
• Un fouciño audiovisual para loitar contra o illamento cultural da Costa da Morte:
• Curtas, charlas e un concerto protagonizan os Premios Fouciño de Baio.
• Os Premios Fouciño, os irmáns pequenos do Carballo Interplay
• Adro crea os ‘Premios Fouciño do audiovisual’.

Fonte

• Redacción de QPC (info@quepasanacosta.com).