que pasa na costa :: Últimos vídeos - Coristanco

Terra de Oportunidades: A Despensa D’Lujo, chícharos de Coristanco á Torre Eiffel

Redacción — Thu, 4 Dec 2025 09:39:02 +0100

Tras coñecer polo miúdo o proxecto de moda de Ana Trasariz, cambiamos as máquinas de coser polos arados e imos coñecer de preto un dos proxectos gastronómicos máis potentes da nosa comarca, que serve de perfecto exemplo do potencial da Costa da Morte, o principal obxectivo da campaña “Tierra de Oportunidades 2025 – Costa da Morte”, unha iniciativa impulsada pola Asociación Costa da Morte - GDR co financiamento de CaixaBank.

Lucía e Jose rexentan unha das empresas que mellor teñen sabido trasladar a riqueza dos nosos produtos agrículas. Xa levan ano aproveitando a potencialidade das redes sociais, e a día de hoxe levan produtos como o máxico chícharo bágoa, ata os mellores restaurantes de Francia, Dinamarca… como á mesma Torre Eiffel.

Máis novas

Varias propostas da Costa da Morte levan premios no Enreguéifate

Redacción — Tue, 19 Mar 2024 14:54:36 +0100

Lanzáronse os gañadores do premios da 7ª edición do concurso Enreguéifate, esa iniciativa impulsada polos concellos de Ames, Carballo, Pontevedra, Santiago de Compostela e Teo que apoia a difusión da improvisación oral en verso (regueifa) e anima a usar a lingua galega.

E como non podía ser doutro xeito, a Costa da Morte somos potencia.

A rapazada do 6º de Primaria do CEIP de Bormoio-Agualada (Coristanco), concretamente Joel Blanco e Javier García, levaron o premio na categoría Escolar coa regueifa “Os máis bravos. Queremos moito aos nosos profes”.

Tamén levaron premio o alumnado de 6º de Primaria do CEIP Plurilingüe Nétoma-Razo (Carballo) con esta Regueifa de Razo, chea de arte.

Ademais, o malpicán Óscar Arrieiro e o herculino Chaminho levaron o premio á Regueifa máis brava con este temazo:

Tamén levou premio o CEIP Quiroga Palacios de Santiago, onde exerce de mestre o baiés Fran Gavín, culpable destoutra xoia rimeira:

View this post on Instagram

A post shared by Enreguéifate (@enregueifate)

Máis novas

#25N en Coristanco: “Nunca permitas a túa cadeira baleira”

Redacción — Thu, 26 Nov 2020 14:02:21 +0100

Mira ao frente,
sempre enteira,
nunca permitas
a túa cadeira baleira”

Seguindo a liña aberta o pasado anos, o Concello de Coristanco mantivo este mes a campaña “Nin unha soa cadeira soa”, co gallo do Día Internacional contra a Violencia de Xénero.

Máis de 50 establecimentos adheridos colocaron instantáneas de cadeiras baleiras que “simbolizan, en toda a súa crueza, as terribles consecuencias que pode encadear permanecer impasibles ante situacións de maltrato”.

A acción completouse coa participación de entidades sociais, artistas, centros de ensino…. Deste xeito, xentes como José Antonio Andrade, Loli España, Fernando Calvo Trincado, Xosé Pumar, Lupe Blanco, Isabel Soutullo, Álvaro Antelo, Luís Lista, Evaristo Domínguez, Carmen Méndez, Xan Fernández... participaron na iniciativa.

Así quedou a exposición:

Todas as novas sobre o 25N

A creación audiovisual, protagonista deste singular #25N.

A Garda Civil investiga unha persoa por maltrato animal en Coristanco

Redacción — Sat, 24 Aug 2019 10:36:01 +0200