A Policía Local da Laracha puxo 37 denuncuas por incumprir as restricións

Segue a Policía Local da Laracha facendo cumplir as normas de seguridade impostas polo confinamento perimetral. Se a semana pasada relataban a as multas por facer botellón e por saltar o peche perimetral, esta semana intensificaron o seu labor de control.

Lembran que a Laracha está pechada co resto da comarca de Bergantiños (é dicir, si se pode transitar pola comarca), pero está prohibida a mobilidade das persoas, salvo por casos debidamente xustificados, nos límites cos concellos de Arteixo, Cerceda e Culleredo. Ademais recordan a limitación das agrupacións exclusivamente a persoas convivintes e o peche da hostalería.

Así, durante o sábado e o domingo, tramitaron 37 denuncias. Os principais incumprimentos detectados consistiron en saltarse o peche perimetral, atoparse en espazos públicos sen empregar a máscara, fumar na vía pública sen respectar a distancia de seguridade e as xuntanzas de persoas non convivintes.

Tamén interceptaron dous condutores que deron positivo por consumo de drogas e outros dous que superaron a taxa de alcohol permitida na proba de aire expirado.

Novas relacionadas

• 17-11-2020: Multan a un grupo de 11 moz@s facendo botellón e a 8 persoas que se saltaron o peche perimetral.
• 05-11-2020: A Policía Local da Laracha rexistra o primeiro positivo por consumo de cocaína ao volante.
• 19-09-2020: A Policía Local da Laracha multa por alcoholemia e por non levar a máscara.