Axudas europeas para saír do barco e montar un bar

Xa temos un Grupo de Desenvolvento Rural (GDR) que si abrangue todo o territorio da Costa da Morte. Un GDR que xa prepara as Mesas sectoriais abertas, que se van celebrar o día 18 en Vimianzo (no local onde está o GDR) e o 19 en Buño – Malpica (na Casa do Oleiro) a partir das 18:00 horas. O obxectivo destas mesas de traballo e definir os principais obxectivos e liñas de actuación a desenvolver no marco do Programa Leader para a Costa da Morte (identificando medidas, ideas, proxectos,... que poidan ter cabida na estratexia).

Pero aínda temos camiño por percorrer, pois os GALP aínda seccionan a bisbarra. O antigo GAC, agora Grupo de Acción Local do Sector Pesqueiro (GALP) Costa da Morte, inicia unha serie de 8 xornadas informativas para as persoas interesadas no programa de axudas para o noso territorio do FEMP 2014-2020, destinadas o desenvolvemento sostible dos pobos costeiros, dotado cun total de 5.478.526 euros en axudas a fondo perdido para proxectos produtivos e non produtivos.

Do barco ao bar

Así, as zonas do norte da bisbarra (A Laracha, Carballo, Malpica, Ponteceso, Cabana, Laxe, Vimianzo, Camariñas e Muxía), acollerán xornadas informativas para amosar por onde van as liñas de actuación das subvencións. Unhas liñas europeas encamiñadas, dende hai anos, a alonxar á xente do mar pero mantelas vinculadas ao mar, é dicir, sacar os mariñeiros do barco e convertilos en hostaleiros. Así se entende a chamada “diversificación” a través da cal a Unión Europea pretende ir acabando pouco a pouco ca pesca de baixura.

Os destinatarios principais destas axudas son xente do mar, empresas transformadoras de produtos pesqueiros, hostaleiros, sectores auxiliares á pesca, empresarios e entidades de actividades náuticas ou relacionas co mar, asociacións do sector pesqueiro, redeiras, etc.

Novas relacionadas

• O novo GDR si abrangue toda a Costa da Morte.
• Do GAC ao GALP pero mantendo a disección da Costa da Morte.
• viveametadedacostadamorte.com.
• O GDR axudou a crear 80 empregos e consolidar máis de 200 entre 2009-2015.

Fonte

• Redacción de QPC (info@quepasanacosta.com)