Da carpintería á integración laboral

Nove usuarios e usuarias de Íntegro participan nun obradoiro de carpintería Nove usuarios e usuarias de Íntegro - 6 pertencentes ao centro ocupacional e 3 socios da entidade con diversidade funcional - participan dende o pasado mes de setembro nun obradoiro de carpintería dentro do programa Infoase. As clases desenvólvense nun taller de carpintería cedido polo concello de Cabana de Bergantiños e que está situado na parroquia de Anos. O consistorio tamén colabora coa prestación do material e da maquinaria necesarios para a realización das prácticas. Durante as sesións, os alumnos e as alumnas do centro realizan traballos de todo tipo que abranguen dende a restauración de pezas de madeira, elaboración de pequenos mobles e reparación ou acondicionamento de elementos do mobiliario público. Para elo, contan co asesoramento e supervisión dun equipo docente integrado por profesionais do sector que posibilitan o desempeño dunha actividade real e produtiva de calidade. Progreso 

As clases desenvólvense nun taller de carpintería cedido polo concello de Cabana "Tras cinco meses de aprendizaxe os progresos son moi notables e a valoración da actividade está a ser moi positiva", indican dende Íntegro. Desta forma, xa comeza a visibilizarse o traballo e o esforzo realizado polo alumnado que adquiriron unha maior habilidade e destreza manual das persoas usuarias ademais de mellorar a súa capacidade de concentración na realización de tarefas manuais tan delicadas e precisas. O obradoiro remata o vindeiro 30 de marzo polo que aínda lles queda tempo dabondo para perfeccionar a técnica e seguir poñendo en práctica todo o aprendido. "Agora só precisan que o mercado laboral lles dea unha oportunidade" aseguran os membros de Íntegro.   Novas relacionadas

• Íntegro amplía o Punto de Intervención para Mulleres con Diversidade a varios concellos
• Un San Valentín doce e moi Íntegro
• Cogami interésase polo traballo da Asociación Íntegro.
• Íntegro avanza cara a Inclusión a base de experiencias persoais.
• Íntegro imparte en Malpica un curso de colocación de pladur e de pintura
• Íntegro recibe o apoio da Deputación da Coruña
• Íntegro prepara un completo programa para o Día da Inclusión
• Unha Carreira para integrar.
• Os discapacitados somos nós.
• 40 persoas con discapacidade insertáronse en Bergantiños a través de COGAMI.
• Íntegro normaliza a diferencia na Diversiescola de Carballo.
• 2014: Íntegro, Adisbismur, Ambas e Misela celebraron o Día da Inclusión en Ponteceso.
• 20 anos de integridade dende Cabana para toda a Costa da Morte.

Fonte

• Redacción QPC (info@quepasanacosta.com)
• Íntegro