Dombate prepárase para unha nova temporada de visitas escolares e para un taller de xoiería megalítica
Nova temporada para o Centro Arqueolóxico Dolmen de Dombate. A catedral do megalitismo galego segue sendo foco de atracción para os centros de ensino de todo o país como lugar de culto onde poder ensinar, in situ, a nosa historia.
Ademais, o Centro acolle este mes unha actividade especial, relacionada coa xoiería.
Obradoiro de Xoeiría megalítica
O Centro Arqueolóxico Dolmen de Dombate será un lugar ideal para o desenvolvemento dun obradoiro de Xoiería Megalítica. Este xoves 21 de febreiro, será a súa presentación oficial, e será a directora artística do curso, Yanet Ruíz, a encargada de informar sobre o mesmo.
O obradoiro desenvolvera os 29, 30 e 31 de marzo, despois dun cambio de datas. Todas as persoas que achegaran xa a súa inscrición a través do email: comunicacion@concello-cabana.es.
Visitas escolares
Xa está aberto o prazo de inscrición para a Campaña de Visitas Escolares 2019 no Centro Arqueolóxico Dolmen de Dombate.
A oferta de obradoiros de prehistoria de balde (na aula do Neolítico) e as visitas guiadas (no Centro Arqueolóxico) vai dirixida a todos os centros educativos da provincia da Coruña aínda que tamén poden participar escolares doutras provincias que veñan de visita pola Costa da Morte.
A día de hoxe xa hai reservados 18 días con 18 colexios (moitos deles centros que repiten doutros anos) dos 40 dispoñibles ata finais do curso 2018-2019. A campaña comezará o venres 1 de marzo co cambio de horarios que achegamos neste email. O primeiro colexio, de momento, será o CEIP Graxal de Cambre o 8 de marzo con 55 escolares de infantil.
Poden informarse en borneiro@gmail.com ou cultura.concello@gmail.com.
Horarios para as Visitas Guiadas
Novas relacionadas
- Xaneiro 2019: Dombate non supera a marca dos 30.000 visitantes.
- Decembro 18: O Parque do Megalitismo dá pasos concretos.