Dous feridos tras un novo accidente en Camariñas
06 de agosto de 2019 (15:31 h.)
Menudas semanas nas estradas da bisbarra.
Hoxe, a estrada AC-432, á altura de Xaviña, preto de Camariñas, acontecía un novo accidente. Foi arredor das 13:00h, cando tiña lugar un choque frontal entre dous vehículos deixaba dous feridos de consideración.
Ao lugar achegáronse Urxencias Sanitarias, Garda Civil, Protección Civil e Bombeiros de Cee, que despregaron unha carpa para preservar a intimidade das vítimas mentres os sanitarios traballaban na súa estabilización.
Os coches permaneceron na estrada case que ata as 13:45h, polo que permanecía cortada e as colas chegaron case ata a Ponte do Porto.
Novas relacionadas
- 05-08-19: Dous falecidos e catro feridos nun grave accidente en Outes e outro ferido en Esteiro.
- 26-07-19: Dous novos accidentes en Ponteceso e Malpica para facer un total de 8 en menos dunha semana.