O Encaixe no Camiño convírtese nunha gran recreación do Camiño Xacobeo do Rei Alfonso IX

Segue Camariñas apostando polo Camiño. Ademais de postularse como o “paraíso” Camiño da Resurrección da man do libro de Sebastián Vázquez, a vila quere amosar a importancia do encaixe no "O Camiño Xacobeo do Rei Alfonso IX”.

Así, esta fin de semana presentaban na sala que a Asociación de Empresarios do sector Turístico de Camariñas ten no faro Vilán, o proxecto "O Camiño Xacobeo do Rei Alfonso IX" como prolongación de "O Encaixe no Camiño”, unha especie de ruta teatralizada e musicalizada que vai dende Cereixo a Terras de Laxe e que se celebrará os vindeiros 05 e 06 de setembro.

Esta cuarta edición do #EncaixenoCamiño comeza o sábado ás 11:00h coa saída da comitiva desde A Casa dá Pedra cara ao porto para recibir ao Rei Alfonso IX. Ás 11:30h representarase o Desembarco do Rei Alfonso IX no porto de Camariñas, cunha Recreación teatral da chegada do Rei e posterior paseo en cabalo por diferentes puntos de Camariñas.

Ás 12:00h será a recreación da camiñada acompañando ao Rei Alfonso IX ata Cereixo, facendo paradas con representación teatral en Xaviña e Cereixo. Xa ás 14:00 toca pícnic na contorna da igrexa de Cereixo. e ás 16:00h continuarase coa prolongación da camiñada ás “Terras de Laxe”, facendo paradas con representación teatral en Soesto e Serantes.
Ás 19:00h realizarase a volta en autobús para os rexistrados.

O domingo tamén haberá, ás 17:00 a recreación do desembarco da Dama italiana que segundo a lenda, ensinou a palillar.

Novas relacionadas

• Camariñas postúlase como o ‘paraíso’ da ruta alternativa do Camiño da Resurrección.
• Sebastián Vázquez: "Ao chegar ao final do Camiño hai que cruzar para chegar ao paraíso, que está en Camariñas”.