O aumento de visitantes refrenda ao Faro Vilán como exemplo de xestión turística
Segue sendo o Faro Vilán un dos espazos turísticos mellor coordinados. Mentres seguimos esperando que o Faro de Fisterra se convirta nunha verdade porta de entrada para os turistas en toda a Costa da Morte, o curmán camariñán, gracias ao traballo da Asociación de Empresarios e Promoción Turística de Camariñas, vai un paso por diante.
Agora ademais do punto de información turística que coordina Tania Carreira Rial, o Faro conta co museo, a sala de exposicións, unha tenda de agasallos e unha cafetería, onde os visitantes se poden relaxar disfrutando ademais de audiovisuais da nosa #CostadaMorte.
Leva tempo a entidade colleitando datos de visitantes, e as cifras melloran ano tras ano. E vén de balance os visitantes que pasaron polo faro Vilán o pasado mes de outubro. Foron un total de 3.216 persoas as que entraron no Faro, case o 20% máis que o mesmo mes do ano anterior. O groso dos visitantes deste mes, cun 47% procede da propia Comunidade Autónoma, dos que o 73% proceden da provincia.
Entre os turistas nacionais, destacan os procedentes de Madrid, cun 25%, seguido de Castela e León e Cataluña, ambas cun 15%.
Se falamos dos visitantes estranxeiros (o 10% do total, dos visitantes), destacan os procedentes de Francia, cun 26% do total dos visitantes de fóra de España, seguidos por países de centro e Sudamérica (16%), Suiza (13%) e Reino Unido (12%).
Máis exposicións
A sala de exposicións estará ocupada con distintas exposicións ata xaneiro de 2017. Este mes de novembro, toca cos óleos de Sandra Díaz Boullosa.
Novas relacionadas
- Setembro 2015: Coruñeses e madrileños, os que máis visitan o Faro Vilán.
- Outubro 2014: O Faro Vilán representa o aumento de visitantes na Costa da Morte.
- Oficina de Turismo: Pechada por vacacións.
- Ollando unha Galiza en Branco e Negro dende o Faro Vilán.
- Os empresarios de Camariñas reciben axuda para seguir dinamizando o Faro.
- O Cabo Vilán déixase pintar.
- A actividade cultural no Faro Vilán permite aumentar nun 40% o número de visitantes.
- O Vilán, o Faro dos Faros.
- Un ano de actividades no Faro Vilán cos Empresarios de Camariñas.
Fonte
- Redacción de QPC (info@quepasanacosta.com).