A Xunta desactiva a prealerta por escaseza moderada de auga no río Anllóns e no río Grande

A Xunta decidiu onte, a 21 de novembro, e despois de varias semanas de chuvias consistentes, desactivar a declaración da prealerta por escaseza moderada de auga nos sistemas do río Verdugo, ría de Vigo e ría de Baiona; no da Costa de Pontevedra; do río Lérez, en Pontevedra; do río Grande, en Camariñas, e do río Anllóns, ata Arteixo. 

Para tomar esta decisión, tivéronse en conta tanto datos meteorolóxicos como a evolución dos caudais circulantes mensuais nos ríos da conca e outros indicadores de seca e escaseza, segundo o protocolo fixado no Plan especial de seca de Galicia-Costa.