Tres feridos tras un incendio no alpendre dunha vivenda en Bértoa

Esta pasada fin de semana, tres persoas tiveron que ser evacuadas por diversas queimaduras tras terse declarado un incendio rexistrado no alpendre anexo á súa vivenda, no lugar de Requeixo, na parroquia de Bértoa, en Carballo.

Eran as 2:00h da madrugada cando deron a alerta, ao decatárense de que a lareira do alpendre estaba prendendo.

Tras recibir o aviso, os xestores do 112 informaron da situación aos profesionais sanitarios, ao Bombeiros de Carballo e aos axentes da Garda Civil, a Policía Local e ao servizo de Protección Civil da localidade.