Cee sofre o primeiro gran incendio do verán
- Última hora (22:45h): O lume vai a menos. Os medios intentan que non pase da casa do cura, en Caneliñas.
- Última Hora (21:30): aberta de novo a comarcal pola estrada vella que cruza Ameixenda.
- Última hora (20:00h): Segue activo e xa supera as 20 hectáreas. No seu control están traballando 3 axentes, 5 brigadas e 5 motobombas. O helicóptero uniuse ás tarefas de extinción.
- Última hora (19:30h): Cortada a comarcal AC550 e evacuado Caneliñas.
- Última hora (19:00h): Primeiras casas desaloxadas en Caneliñas. Ademais, Hai un 2º foco no incendio de Gures.
- Última hora (18:45h): O lume segue medrando (cun vento de 80 km/h) e vai chegando ata a estrada. É posible que haia que pechar a estrada que une Cee e Carnota a altura de Ameixenda.
Non se libra da lacra dos lumes este verán a Costa da Morte.
Empezaba a primeira hora da tarde (16:00) deste martes 9 de agosto un incendio na parroquia de Ameixenda (debaixo do cemiterio), en Cee, botaba unha forte fumareda sobre a ría de Corcubión.
Dirixíanse os bombeiros e Protección Civil de Cee para o lugar para intentar atallar as lapas. “Ten pinta de ser perigoso, mete medo”, recoñecían membros dos corpos de seguridade, ante a fumareda e o forte vento que está a espallar as lapas e o fume, xa visto dende toda a ría de Corcubión, Fisterra e mesmo dende O Pindo ou Lira.
A fronte de lume segue baixando con rapidez ata a costa, e por arriba case ata a estrada. Ademais a fronte se dirixía para os dous lados, tanto para Cee como cara Caneliñas.
Estaremos atentos a ver como evoluciona este #IFAmeixendaCee.
#seveslume085
Agracedemos e invitamos aos usuarios de QPC que nos fagan chegar as súas imaxes e impresións a través do noso Facebook e o noso Twitter, e a través do whatsapp (637 704 893).E lembramos tamén, como fai a Consellería do Medio Rural e do Mar, que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. #seveslume085
Incendios forestais 2015
- 23-07-15: Coristanco tamén rexistrou un forte incendio que afectou a 23 hectáreas.
- 15-07-15: Un novo incendio arrasou case 10 hectáreas en Coucieiro.
- 14-07-15: Extinguido o incendio que arrasou con 42 hectáreas en Berdoias.
- 19-06-15: Un novo incendio provocado arrasa o monte de Serres.
- 16-06-15: Un incendio en Vimianzo calcina parte dunha explotación gandeira.
- 09-06-15: Gures estrea a tempada de incendios.
Novas relacionadas
- Os axentes forestais critican, un ano máis, a falta de prevención.
- Unha de prevención: A Xunta gastou no lume do Monte Pindo 14 veces máis do que invertira anteriormente.
Fonte
- Redacción de QPC (info@quepasanacosta.com).