O IES Fernando Blanco conta con 55.000€ para dotar tecnoloxicamente as aulas do seu FP

Só foron 14 os proxectos seleccionados en toda Galicia. Un deles é o proxecto ElevAula 4.0 presentado polo departamento de Instalación e mantemento do IES Fernando Blanco. Trátase da convocatoria de Espazos de tecnoloxía aplicada na FP, un programa a través do cal a Consellería de cultura, educación e universidades dota aos centros públicos con 55.000€ para que poidan realizar a conversión de aulas tradicionais en espazos de tecnoloxía aplicada na Formación Profesional.

Con este proxecto galardoado “pretendemos crear un espazo no que se unen o mundo dos elevadores coa industria 4.0 en tanto a fabricación aditiva. Pensamos que este sector necesita un pulo neste eido e máis, vendo a situación actual dos mercados tecnolóxicos”, explican dende a dirección.

”Queremos formar aos alumnos dun xeito que, adquiran a competencia profesional para desenvolver este traballo, pero cunha autonomía tal que sexan capaces de fabricar todo tipo de pezas e compoñentes no menor tempo e co menor custo ante unha situación de rotura de stock ou prezos elevados dos fabricantes”.

Novas relacionadas

• Outubro 21: Unha ceense e un carballés, gañadores nas súas especialidades dos premios GaliciaSkills 2021.
• O IES Fernando Blanco lembra toda a súa oferta de Ciclos.
• Empresas da zona únense ao novo ciclo de FP dual do IES Fernando Blanco.