Os alcaldes da comarca esixen información sobre os protocolos para os programas de conciliación
Xa o dicía o pasado martes o alcalde de Zas nos #DirectosQPC. “Necesitamos protocolos para desenvolver os programas de conciliación este verán”.
Hoxe é David Barbeira, alcalde de Santa Comba (CxG), e faino en nome de concellos como Zas, Mazaricos, Vimianzo, Camariñas, ademais de Negreira, Val do Dubra ou A Baña.
Barbeira envía un escrito no que volve pedir información (xa o fixo ao comezo da pandemia). “Precisamos protocolos de actuación, ratios a cumprir e outros datos de interese, para poder organizar e levar a cabo campamentos e programas de conciliación laboral e familiar”, afirma.
Unha medida fundamental para que as familias, que van volvendo pouco a pouco aos seus postos de traballo, poidan deixar aos seus fillos.
”Solicitaremos á Xunta de Galicia que nos proporcionen información de se se van a poder realizar programas de conciliación laboral e familiar así como campamentos deportivos e/ou culturais, data para poder iniciar os mesmos, protocolos de actuacións a seguir, ratios a cumprir, tratamento dos nenos e nenas con necesidades especiais e outros datos de interese; coa finalidade de poder organizar os programas de conciliacion laboral e familiar coas máximas medidas de seguridade e evitar todos os ricos que sexan posibles”.
Novas relacionadas
- Entrevista con Lolo Muíño: As normas do confinamento fixéronse para as cidades”.
- David Barbeira: "Imos ir máis alá de dar 1.000€ aos autónomos. Iso vale moito pero non é suficiente”.
- O alcalde de Santa Comba, o primeiro en denunciar a falta de información comarcal.