Luís Porto leva o seu Mar de Paixón ata Muros
Hai persoas das que aprendes da súa adicación, do seu perfeccionismo, do como ter todo perfectamente ordenado e ben xeitoso. "Nada de chambonadas" que diría Óscar Santos, outro membro desa especie de persoas minuciosas que todo o mira con lupa.
Outro membro desa especie é Luís E. Porto. Este eterno malpicán leva recollendo moitos anos todos os datos relacionados co SCD Malpica e do resto do fútbol da Costa. E por iso, pode crear unha verdadeira enciclopedia fotográfica da historia do noso fútbol.
Eso é precisamente o libro "Mar de Paixón", realizado e editado por el mesmo e o seu sobriño, Héctor Pose, que xa nos brindaba o ano pasado unha marea de interesantes artigos que hoxe xa podemos ler no libro.
"Mar de Paixón" fai protagonistas a centos de xogadores que fixeron tan mítico o fútbol costeiro. Fotos lendarias de ducias de equipos, dando coa chave do éxito: que sexamos os propios veciños da bisbarra os actores principais.
Boa conta deso damos os que estivemos na presentación do libro en Corcubión escoitando a grandes mitos do Fútbol da Costa como Sieso, Manolín ou Calabanda, ou os que escoitaron en Carballo aos Piña, Periscal, Fran Pallas ou Moreira. Eles forman a historia do noso deporte.
Presentación do libro en Muros
A todo isto, o libro chegará esta vindeira fin de semana a Muros. O sábado 01 de febreiro, ás 20:30 no Salón de plenos do Concello de Muros, acollerá a presentación do libro "Mar De Paixon" o fútbol na Costa da Morte.
Puntos de venda
Polo de pronto, o libro está a venda nos seguintes establecimentos, pero se algún establecimento está interesado en vendela pode contactar con Luís Porto:
- Libraría “Brañas” (Carballo)
- Libraría “Roget” (Vimianzo)
- CF Dumbría (Dumbría)
- Kiosco “Rosalía” (Corcubión)
- Muxía CF (Muxía)
- Libraría “Milucho” (Buño)
- “Video Club” (Malpica)
- Libraría “Miguens” (Malpica)
- Libraría “Nova Colón” (A Coruña)
- Libraría “LER” (Santa Comba, Cee e Ponte do Porto)
- Libraría “Estanco” (Caión)
Novas relacionadas
- O libro Mar de Paixón presentouse cos grandes mitos do Fútbol da Costa.
- O libro Mar de Paixón nace percorrendo ducias de anécdotas sobre a historia do Fútbol da Costa.
- Máis dun milleiro de persoas comprobaron a importancia social do clube decano do Fútbol da Costa.
Artigos do Mar de Paixón
- Os imprescindibles.
- Miculita-Sieso-Manín: tridente letal.
- O Míster.
- Manolo… Manolo Casal.
- Periscal e… gol!.
- Remexer nos papeis doutros.
- Tonié.
- Un gol en Santa Comba.
- Domingo de fútbol.
- Un Mar de Paixón: Un proxecto…, xa traxecto.
Fonte
- Redacción de Deportes de QPC (deportes@quepasanacosta.gal).