Pinpon tamén por Nadal

Os gañadores do Torneo de Nadal do Anorthosis en Zas co mestre de cerimonias Paco e Martín González

Están tan comprometidos os membros da familia Anorthosis que non puideron celebrar o habitual parón das festas e tiveron que armar o Torneo de Nadal. Así, ademais dos adestramentos nos días posíbles e de participar no torneo social do Liceo de Noia o 28 de decembro, a familia soneirá tamén organizou o seu Torneo Nadal 2015 o pasado sábado 2 de xaneiro durante todo o día.

Pola mañá una competición de dobres e pola tarde individual. Contaron coa participación de case todos os xogadores do Anorthosis, que viñeron de Portomouro, Mazaricos, Santa Comba, Vimianzo e Zas; tamén participaron xogadores do Liceo de Noia e que, por motivos persoais, só estiveron pola mañá.

Pero sobre todo contaron coa participación excepcional de Martín González, xogador do Club del Mar de A Coruña en 1ª nacional e que xogou na División de Honra e en clubes como Oroso e Arteal. Pola tarde aproveitaron a súa presenza para que dese unas clases maxistrais que seguro grabaron os asistentes para aplicalas no futuro. Despois o torneo individual e como sempre o mediodía a comida de confraternidade.

Martín González con Laura, unha das promesas do tenis de mesa do Anorthosis

Resultados

En dobres: coa participacion de 12 parellas:

• 1º – Miguel – Martín.
• 2º – Pablo Prol – Guillermo.
• 3º – Gonchu – Marcelino.
• 4º - Miriam – Brais (trofeo a menores de 15 anos).
• 5º – David – Ana (2ºs en menores de 15 anos).

En individuais: coa participación de 30 xogadores:

• 1º - Martín.
• 2º - Miguel.
• 3º - Gonchu.
• 4º - Stevo.
• 5º - Brais (1º en menores de 15 anos).
• 6º - Adrián (2º en menores de 15 anos).

Tamén foron premiados: Nico (Vimianzo) como menor de 10 anos e Álvaro (Zas) como afeccionado.

Vindeira cita

• Sábado 9 de xaneiro no ximnasio do CPI de Zas:
  - Ás 11:00h. ANORTHOSIS VIMIANZO - CTM LALÍN de 3ª nacional masculina.
  - Ás 17:00 h. CONCELLO DE ZAS O PINAR - CLUB DEL MAR de 2ª nacional femenina.

Máis información

• Clasificación da 3ª División Nacional Grupo Centro.
• Clasificación da 2ª División Galega Grupo Centro.

Novas relacionadas

• O Anorthosis espalla o tenis de mesa pola Costa.
• Vimianzo, Zas e Mazaricos seguen vibrando co tenis de mesa.
• A familia Anorthosis segue medrando.
• Miriam Domínguez, ao Campionato Estatal de tenis de mesa.
• O Mazaricos non pode cos seus mestres do Anorthosis.
• Dúas de cal e dúas de area para a familia do Anorthosis.
• As rapazas do Aluminios Xeal estrearon categoría Nacional cunha viaxe a Asturias.
• O Anorthosis nota a falta de adestramento neste comezo de temporada.
• Stevo Lema disfrutou dun premio á súa carreira no Campionato de Seleccións de maiores.
• O Anorthosis comeza a tempada entre os primeiros equipos de tenis de mesa.

Crónicas da temporada pasada

• Ana García, triple podio no Campionato Galego de tenis de mesa
• O tenis de mesa galego celebrou en Zas a súa homenaxe a Moncho Varela.

Fonte

• Redacción de QPC (info@quepasanacosta.com).