Xa chegou da man da Federación o parte de sancións, e de contado imos repasando a previa desta fin de semana no fútbol da Costa no ecuador de outubro 2011.
A xornada terá un foco especial en Fontenla, onde o Xallas recibe ao Soneira nun dos derbis da Preferente na nosa bisbarra.
En 1ª só xogará o Cee, que recibirá a un Noia en postos de ascenso, pois o Ponteceso xa caeu ante o Sada no único encontro adiantado da categoría ao pasado martes 12.
A fin de semana na Liga da Costa terá alicientes moi interesantes. Varios clásicos terán o protagonismo, como ese Camariñas-Fisterra ou ese Sofán-Malpica.
Ademais, na 3ª, o Outes-Alcaián pode ser o partido máis igualado.
Reunión en Santiago
Sorpréndenos ler que este sábado hai unha reunión entre a Federación Galega de Fútbol e as asociacións de clubes de todo o país. Segundo informa futbolgalicia.com asistirán á devandita reunión acodirán as asociacións de Ferrol, Lugo, A Coruña e Santiago. Pero pola Costa da Morte non sabemos nada.
Ademais, a reunión vai tocar un tema que atinxe, e moito, aos clubes da bisbarra, e polo nas últimas datas ata se prantexan parar a competición: o recibo arbitral unificado.E imos xa cos partidos da fin de semana matizando que os horarios das categorías inferiores pode que non sexan os auténticos, pois a Federación deixou de informar sobre estes na circular semanal de designación de campos e horarios.
