Doble quenda para aprender fotografía en Dumbría con MR
Éxito rotundo de participación no Curso de Fotografía de Marcos Rodríguez no Concello de Dumbría. De feito, o Concello tivo que ampliar a dúas quendas pois había máis de 40 persoas apuntadas.
Onte comezaba a primeira quenda, cuns 20 alumnos, tanto de Dumbría (tiñan preferencia os veciños) como da bisbarra e mesmo chegados de outras partes de Galicia, que ata o domingo terán unha inmersión total no mundo da fotografía. Onte tocaba iniciación, cun exame e todo de coñecementos previos. Hoxe e mañá servirán para que os asistentes se familiaricen con palabros como diafragma, obturación...
E o sábado, a practicar o aprendido neste curso exprés nunha quedada por algún punto de interese da Costa da Morte.
Un luxo poder aprender en 4 días as nocións básicas da fotografía da man dun profesional da zona.
Novas relacionadas
- Dumbría organiza un Curso de Fotografía impartido por Marcos Rodríguez.
- Triple certame de foto, relatos e curtas coa natureza de protagonista.
- Costa da Morte: un espazo de rali… fotográfico.
- Marcos Rodríguez Fotografía: O novo punto de encontro da fotografía da Costa, xa en Cee.
- Ramón Caamaño xa ten sucesor.
- Marcos Rodríguez: "Busco a beleza de cada lugar xogando ca luz".
- Redacción de QPC (info@quepasanacosta.gal).