Xa temos semifinais do singular Campionato de Barrios de Esteiro

Imaxe do choque Ciclóns-Pentacosta-Foto: Sandra Abeijón

FútbolQPC

03 de agosto de 2022 (11:48 h.)

Rematou a primeira fase da 43ª edición do Campionato de fútbol de Barrios de Esteiro, un dos torneos de veran máis auténticos do país.

Na primeira fase enfrontáronse todos os equipos nunha liguiña a unha soa volta, clasificándose para as semifinais os equipos: Ciclóns, Cánchester, Abelleira e Independiente.

Foi o Pentacosta, equipo que nace dunha fusión de dous barrios que están pegados (a Pendente e Tal) o que levou a honrosa "cuchara de madeira”, o premio que se lle outorga ao último clasificado.

Nesta primeira fin de semana de agosto disputaránse as semifinais. O sábado 6 as 19:30h xogarán os Ciclóns (1º) conta o Independiente (4º, e vixente campión). O domingo xogarán o Cánchester (2º) contra a Abelleira (3º) á partir das 21 horas, ao remate do partido memorial Pedro Caamaño -presidente fundador da Esteirana- que xogarán a SD Esteirana e o Noia CF.

A final do campionato de barrios será coma sempre o vindeiro 15 de agosto, festa do Carme de Esteiro.

PALMARÉS DOS ÚLTIMOS ANOS DO CAMPIONATO DE BARRIOS DE ESTEIRO

2022: 43º Campionato de Barrios: Esteiro non pecha o campo por verán.
2019: O Independiente volve reinar no Campionato de Barrios de Esteiro
2018: Os Ciclóns do Maio levan, por segundo ano, o mítico Campionato de Barrios de Esteiro.
2018: Recta final do mítico Torneo de Barrios de Esteiro coas Semis.
2017: Os Ciclóns do Maio, campións do 40 Campionato de Barrios de Esteiro.
2016: O Independiente faise co campionato de Barrios.
2015: Abelleira campións dos Barrios de Esteiro de 2015.
2014: O Independiente, campión do Campionato de Barrios de Esteiro 2014.
2013: O Campionato de Barrios de Esteiro, unha competición singular: Independiente de Uhia faise co título.
2012: Un Ciclón arrasou no Campionato de Barrios de Esteiro.

Etiquetas

torneo barrios