Noelia Freijeiro e María Lago representan ás políticas costeiras no congreso As Eleitas en Cabo Verde

Alcaldesas e representantes políticas do noso país estiveron esta fin de semana en Cabo Verde, participando no II Encontro Internacional de Mulleres Electas ‘As Elixidas’. Despois de participar na primeira parte do Congreso celebrado en Palma de Mallorca en novembro, unha nutrida representación das nosas responsables acodiron ao país africano. Entre elas, a teniente de alcalde de Malpica, a popular Noelia Freijeiro, e a alcaldesa de Muros, a nacionalista Maria Lago.

O encontro naceu co obxectivo de promover a igualdade e fortalecer o seu liderado a nivel municipal, participando no panel ‘Mulleres na política local: barreiras, oportunidades e leccións aprendidas en Cabo Verde, Mozambique e Galicia’, que abordou o fomento da participación efectiva das mulleres no poder local. 

A expedición axudou na creación da Rede de Mulheres Autarcas Caboverdianas, integrada por máis de 200 representantes municipais do arquipélago africano. 

Máis novas