Depositan nun mes máis de 150 quilos de residuos no Minipunto Limpo de Muros
Gran traballo de concienciación o que se está a realizar dende o Departamento de Medio Ambiente do Concello de Muros. E unha das actividades que están a apotenciar é a recollida selectiva de lixo, para a que veñen de abrir o minupunto limpo instalado, fai mes e medio, no casco urbano de Muros.
Xa van máis de 150 quilos de residuos reciclables os depositados no minipunto limpo neste primeiro mes de existencia, o que dá xeito á iniciativa. Así, a Concellaría de Medio Ambiente pretende dar a coñecer a utilidade de servizo, que está sendo utilizado pola veciñanza para depositar pilas, baterías e terminais móbiles, CDs, lámpadas e cartuchos de impresora, entre outros materiais altamente contaminantes.
O minipunto limpo de uso doméstico -que dispón de compartimentos diferenciados para o depósito de pilas e baterías de móbiles, aparellos electrónicos, lámpadas de baixo consumo, CDs e DVDs, teléfonos móbiles e cartuchos de impresora- instalouse no centro da localidade, en concreto, na avenida de Castelao.
En concreto, recolléronse 89,60 kg de pilas e baterías de móbiles, 23,50 kg de RAEE, 18,50 kg de lámpadas de baixo consumo, 11,20 kg de CDs e DVDs, 6,10 kg de teléfonos móbiles e 5,10 kg de cartuchos de impresora.
Máis información
Novas relacionadas
- Muros busca o seu cartel para seguir mirando ao Mar.
- Novas xornadas de Formación ambiental e participativa en Muros.
- Por unha planta de tratamento de residuos en Cee.
Fonte
- Nota de prensa dos Axentes locais de sostibilidade. Concello de Muros, Manuela Pais Arijón e Mª Sonia Lago Segade.