Muxía promove os singulares secadoiros de congro cun programa de visitas guiadas

O secado do congro é unha forma tradicional de conservación do peixe que solo se conserva en Muxía. Tradicionalmente houbo secadoiros ao longo de toda a costa galega, pero só seguen en funcionamento os de Muxía. De aí a importancia de poñelos en valor, toda unha tradición aínda en marcha como actividade económica.

Dende o Concello muxián consideran pois que “estos secadoiros son un valor cultural, patrimonial e etnográfico que non debe desaparecer e que contribúen a unha oferta turística de calidade de Muxía e ao mantemento da cultura mariñeira que caracteriza a nosa vila”.

Con este obxectivo, o Concello de Muxía establece un calendario de visitas guiadas para este outono, se ben ramén poden solicitar visitas os centros educativos do municipio datas diferentes das fixadas:

• Sábado 25 de outubro , ás 12 horas.
• Sábado 8 de novembro, ás 12 horas.
• Sábado 22 de novembro, ás 12 horas.
• Sábado 6 de decembro, ás 12 horas.

Máis información e inscricións

A inscrición é totalmente de balde.

As persoas que desexen visitar os secadoiros poden anotarse nas datas sinaladas, chamando ao teléfono do Concello de Muxía ou a través de correo electrónico: Teléfono: 981 74 20 01 (preguntar polo departamento de cultura) Mail: maria.rivadulla@muxia.dicoruna.es As inscricións irán completando o cupo de cada quenda.

Novas relacionadas

• Unha viaxe en vídeo camiñando cara ó mar de Muxía.
• O congro de Muxía puido secar ao sol de setembro.
• A esperanza dunha tradición que seca ao vento do mar .
• A Costa en Verde: O roteiro do congro.
• Recunchos da Costa: O secadoiro de congrios de Muxía.

Fonte

• Concello de Muxía.