Venres. 29.03.2024
El tiempo

O congro de Muxía puido secar ao sol de setembro

O congro de Muxía puido secar ao sol de setembro
Un ollo de congro en Muxia

Ao longo desta soleada semana a vila de Muxía lucía un aspecto fermoso. O sol que nos deixou este setembro permitiu que as dúas familias que aínda traballan o congro, boten a secar as grandes pezas.

Engalanados cos congros estirados, secando ao vento do mar (como se chama unha máis recomendable documental sobre a familia Diz), os dous secadoiros do congro da vila da Barca demostran que aínda hai vida.

Secadoiro de congro da cara norte de Muxía

Houbo un tempo no que só se mantivo o da cara norte, pero o pasado ano revivía o secadoiro da cara sur de Muxía, na estrada cara o santuario. Cóntannos como é o duro traballo, i é que o tempo é o que decide cando poden botalos a secar. Este mes de setembro permitíu que as dúas familias o botasen a secar, pero a cousa non é tan sinxela. Cada noite teñen que recollelos, e como se meta unha néboa ou a chuviscar, veña ao choio.

E non dicimos nada do traballo para limpalo... Podedes botar un ollo na documental "Secando ao vento do mar" para comprobalo.

A verdade é que a xente da zona non gusta moito do congro a pesar de que cando se celebra por semana santa a Festa do Congro todo o mundo o proba. Pero historicamente este produto lévase cara a zona de La Rioja, Aragón...

Secadoiro de congro en Muxia setembro 2012

A vida nos secadoiros de congro danlle á vila da Barca un simbolismo especial, que esperemos non se perdan, a pesar de todo o traballo que conlevan e de que que a xente da zona non o disfrute.

Máis información

Comentarios