Lucía Pazos, a mellor española da Copa Internacional de España de Judo Cadete
Este domingo celebrouse a Copa Internacional de España de Judo Cadete de Marín. O Judo Club Bergantiños estaba representado por dous deportistas, Naira Blanco na categoría de -52 kg e Lucía Pazos na categoría de -57 kg. E os resultados foron moi positivos.
Naira, logo dunha boa competición, caía en semifinais e no combate de medalla de Bronce non conseguiu gañar quedando en quinta posición.
Si que conseguíu medalla, a de bronce, Lucía, tras realizar unha competición fantástica gañando 4 combates. Quedou deste xeito como a mellor clasificada de España, dado que as outra tres que quedaron por encima son estranxeiras.
Ademais, unha vez rematada a competición, Marín convertiuse en campo de adestramento. Ambas deportistas participan no Stage internacional post competición adestrando ata o xoves coa selección Galega.
Novas relacionadas
- A muxiá Lucía Pazos, prata no Torneo Internacional de Portugal de Judo.
- Lucía Pazos segue colleitando éxitos de cara á Fase Final do Campionato de España de Judo
- Naira Blanco e Lucía Pazos triunfan na Copa de España Junior sendo aínda cadetes