Morre un home en Corme logo de emborcar a súa embarcación

Un home morreu na tarde de onte mércores, 27 de xullo de 2011, logo de que emboracara a súa embarcación na ría de Corme. Un segundo tripulante foi rescatado con vida e arestora atópase en bo estado no Complexo Hospitalario Universitario de A Coruña. Todo comezaba na madrugada de onte, cando dous sexaxenarios saían pescar na ría de Corme e Laxe a bordo de "O Carreiro", unha embarcación de fibra e de cinco metros de eslora. Ao non aparecer, pasadas as catro da tarde os familiares chamaron ao 112. A raíz do aviso, mobilizouse ao helicóptero Helimer 210, a Salvamar Altair e a embarcación auxiliar do buque Don Inda. Foi o Helimer 210 o que rescatou aos tripulantes ata o aeroporto coruñés de Alvedro, onde estaba agardando unha ambulancia medicalizada.

Outros accidentes no mar

• 12-07-11: Atopado o corpo sen vida dun mergullador en Muros.
• 27-05-11: O mar da Coruña cóbrase dúas vidas malpicás.
• 22-04-11: Desaparece un home do Ézaro no mar.
• 25-01-11: Salvamento Marítimo acode ao rescate dun veleiro a 30 millas da costa camariñá.
• 21-01-11: Un pescador falece en Fisterra cando ía ao mar.
• 20-01-11: Rescatan a unha mariscadora que caíu ao mar en Caldebarcos.
• 27-12-10: Falece un pescador nos cantís de Laxe.
• As imprudencias no mar páganse.

Fonte

• La Opinión A Coruña.
• Fotografía de Corme.net