Posta de longo en Madrid do Museo Torre Pujales de Corme

Entre numerosas personalidades da cultura de toda España presentouse onte o Museo de Arte Contemporánea "Costa da Morte", proxecto que naceu como homenaxe ao pintor Julio Pujales pola iniciativa da súa viúva e creadora da Fundación Torre-Pujales. A presentación tivo lugar na Casa Galicia, seguindo a estela aberta hai apenas un par de semanas polo artista alemán de Muxía, Detlef Kappeler, e de feito, as súas obras aínda serviron de marco para a presentación.

Os membros da comitiva coincidiron en resaltar que "o Museo foi posible grazas á "forza, o dinamismo, o pulo e valentía de Cristina, para lograr o que logrou". Sinalaron que o Museo é unha mostra do que se pode facer "con pouco diñeiro e moita vontade; e grazas á Fundación que vai enriquecendo o proxecto a cada paso". Destacou da obra, a escaleira e os exteriores co pozo e cualificouno dende o punto de vista arquitectónico como un "proxecto discreto pero que cumpre a súa función", algo no que o profesor Parreño non estivo de acordo pois describiu a súa intervención na casa como "un traballo de microcirurxía".

Tomou a palabra a gran protagonista, a presidenta da Fundación Torre-Pujales Museo de Arte Contemporáneo Costa da Morte, Cristina Torre Cervigón. E tras os agradecementos ás persoas e institucións que apoiaron a súa iniciativa, fixo un pequeno repaso pola historia do Museo. Foi tras a morte do seu marido, cando ao ver a ampla colección de obras de arte que posuía, "un tesouro que quería compartir". Creou entón a Fundación e decidiu o lugar, que "tiña que ser Galicia" e como ademais Pujales era coruñés, e ademais ambos os dous adoraban o mar... Así foi descartando opcións ata encontrar en Corme o lugar idóneo.

Por último, interveu Pedro Tasende quen presentou o vídeo co proxecto "Os camiños do mar" feito polo pobo natal de Eduardo Pondal, o concello de Ponteceso, en colaboración coa Xunta de Galicia e a Unión Europea. Un proxecto que agora estará complementado coa oferta cultural do novo Museo "Costa da Morte".

O acto finalizou cun animado coloquio no que numerosas persoas fixeron uso da palabra. Entre o público encontrábanse dende antigos alumnos de Julio Pujales e Cristina Torre, que aproveitaron a ocasión para agradecer o gran labor docente que realizaron na súa época de profesores, ata diversas cuestións. Entre elas a formulada á presidenta de Honra do Padroado do Museo Raíña Sofía Pilar Citolet sobre a posible colaboración entre o Raíña Sofía e o Museo de Corme, algo que Citolet, non descartou. "Aínda que non hai precedentes, podería estudarse”, dixo dubitativa.

Novas relacionadas

• O Alemán de Muxía expón a súa obra Costa da Morte na Casa Galicia de Madrid.
• Os Camiños do Mar lévannos a Ponteceso.
• Unha cormelá en NY entre as 45 persoas máis influíntes do mundo no sistema da arte.
• Explicando a crise no MAC.
• Concertos, visitas guiadas e conferencias dan vida ao MAC da Costa da Morte.
• A arte contemporánea xa ten o seu espazo na Costa da Morte.

Fonte

• Redacción de QPC (info@quepasanacosta.gal).
• Xunta.