Un novo escultor deixará o seu legado no MAC a través das becas da Fundación Torre Pujales

Segue a Fundación Torre Pujales achegando personalidades do eido da arte á Costa da Morte. E faino a través do seu programa de becas. Así, durante todo o mes de xullo o escultor Oscar Estruga estará colaborando co Museo da Arte Contemporánea Costa da Morte en Corme, invitado pola Fundación Torre-Pujales. A cambio da súa estancia, Óscar Estruga deixará o seu legado en forma de obras.

Oscar Estruga

Oscar Estruga nace en Vilanova i a Geltrú (Barcelona) en 1933. En 1958 trasládase a Madrid, para continuar os seus estudos na Escola de Artes e Oficios e no Círculo de Belas Artes. Logo dunha viaxe a Parides en 1964, empeza a interesarse pola escultura, na que se pode apreciar unha pegada permanente dos seus debuxos. En 1966 recibe a prestixiosa beca da Fundación Juan March e realiza varias esculturas urbanas como a marabillosa Parsifae, que se converteu, pola súa originalidad e beleza, nun icono da súa cidade natal, Vilanova i a Geltru.

As exposicións sucédense desde os sesenta ata hoxe, con gran asiduidad, non só en España senón tamén no estranxeiro, entre as que destacan as Bienales de Sãou Paulo (1969 e 1974), Bélgica, Yugoslavia ou Grecia, que o converten nun dos escultores máis orixinais e interesantes, nun referente da escultura española do século XX, vigente no século XXI.

Un escultor que recrea e inventa mundos antigos, que fan referencia á cultura grega e á cultura cicládica, que toma prestados os seus mitos, dos que se burla ou aos que somete á súa orixinal mirada. Touros felizmente conducidos por mulleres, venus prehistóricas envoltas nun halo de erotismo, que reinventa e adapta ao presente.

Novas relacionadas

• Posta de longo en Madrid do Museo Torre Pujales de Corme.
• Unha cormelá en NY entre as 45 persoas máis influíntes do mundo no sistema da arte.
• Explicando a crise no MAC.
• A arte contemporánea xa ten o seu espazo na Costa da Morte.

Fonte

• Redacción de QPC (info@quepasanacosta.gal).