O IES de Baio faise co 1º premio do Concurso de Miniempresas Coruña

Segue demostrando ser un dos centros máis activos da comarca. Hai apenas un par de meses que se alzaban cun primeiro na Maker Faire Galicia. Hoxe, a dirección do IES Maximino Romero de Lema cóntanos que vari@s d@s seus alumn@s acaban de recibir o 1º premio no concurso Miniempresas Coruña de Eduemprende.

O concurso vén do curso pasado, coa creación da mini-empresa ATCaron, por parte do alumnado de 2º curso do Ciclo Básico de Informática de Oficina (Íñigo Cousillas, Joel Limideiro, Miguel Mira e Adrián Suárez), baixo a coordinación da profesora Marta Diz e o profesor Gonzalo de Castro-Acuña.

A mini-empresa ATCarón céntrase no deseño, construción e distribución de diferentes dispositivos baseados na tecnoloxía NFC, na transformación dixital e na Internet das cousas, orientados ao ámbito empresarial e ao consumo persoal. Por exemplo: unha pulseira que ao achegar o móbil mostra unha mensaxe, unha etiqueta para conectarse de forma automática a unha rede WiFi, unha caixa para durmir móbiles, unha camiseta que acende a lanterna do móbil, un dispositivo para acceder ao ordenador mediante unha tarxeta NFC e moitos máis….

Outras novas dos IES

• O IES Seguro de Baio, 1º Premio na Maker Faire Galicia.
• Marcos Calveiro abríu a cociña da súa escritura ao alumnado do IES de Baio.
• Estíbaliz Espinosa fusionou ciencia e poesía no IES de Baio.