O programa Follas de Outono investigou co Detective Ferruchi de Marta Villar
- Marta Villar: “É unha sorte que un concello tan pequeno como o de Zas sexa un referente cultural”
O Auditorio de Baio acolleu esta fin de semana a presentación do libro “Detective Ferruchi”, da malpicá Marta Villar e que foi a novela gañadora da XLI edición dos Premios Xerais. “Había tempo que non o pasaba tan ben”, atreviuse a decir unha das asistentes despois dunha amena hora e media de presentación desta novela na que se mistura o humor coa denuncia social. A Concelleira de Educación, Pilar Garcia, encargouse de presentar o acto, e foi o xornalista baiés Xurxo Sánchez o que guiou a conversa.
“Animo a calquera persoa a que lea calquera tipo de literatura pero a de Marta Villar é especial xa que escribe cuns códigos que entendemos todos e todas perfectamente”, sinalou Sánchez.
Cun encontro moi próximo e ameno, Marta Villar debullou algúns dos detalles de “Detective Ferruchi” no que hai máis de 70 personaxes diferentes e que na gran maioría son reais. Esta é unha novela na que se narra a historia de Sol Cortés, quen decide darlle un xiro á súa vida laboral volvendo á súa vila natal onde se ve envolta na investigación dun crime. A través da súa novela, Marta convida ao lector a reflexionar sobre temas como a violencia machista, as cooperaJvas que traballaron para multinacionais da moda, a menopausia,... Temas coñecidos por todos e todas e que deron pé a que algúns dos asistentes contaran historias que coñecían de primeira man.
Marta Villar aproveitou para dar as grazas polo convite destacou que “é unha sorte que un concello tan pequeno como o de Zas sexa un referente cultural” grazas á completa programación organizada polo Concello así como todos os eventos culturais organizados por diferentes enJdades co apoio municipal. Durante a presentación, Marta Villar adiantou que en breve “Detective Ferruchi” terá a súa versión en castelán.
Follas de Outono
Esta foi a terceira cita do ciclo “Follas de Outono” que está a ter un gran éxito e que converte a Baio nun dos referentes culturais e literarios da Costa da Morte.
A programación continúa a vindeira semana con dúas citas. Unha será o venres, día 24, coa representación de “Pegadas de Castelao”, que realizará Migallas Teatro no CEIP Labarta Pose. Unha cita que coincide coa conmemoración do Día das Bibliotecas e co que tamén se pretente homenaxear a figura de Castelao cando se cumplen 75 anos da súa morte.
Xa o domingo, día 26, o Auditorio de Baio acolle outras dúas citas. Primeiro, María Lado presentaranos o seu libro “Canta miña compañeira. O legado das cantareiras” ás 18:00 horas. E a conJnuación, o alumnado do CEIP Labarta Pose representará a obra teatral “Cantareiras”.