Unha diversa e comprometida nova Xunta Directiva mantén viva a Asociación de Empresarios e de Promoción Turística de Camariñas

Xentes do mundo da cultura, da fotografía, da administración e a política, do mar... Unha directiva ben diversa e completa toma o mando dunha das entidades máis importantes para a vila de Camariñas. A Asociación de Empresarios e de Promoción Turística de Camariñas necesitaba un cambio trala xubilación da histórica presidenta, durante os últimos 16 anos, Olga Campos, unha persoa que tanto loito por manter vivo o faro dos Faros da Costa da Morte.

Pero parece que hai un relevo importante á fronte da entidade, tralo aprobado na Asemblea Xeral Ordinaria do pasado 7 de abril.

Así a nova directiva queda conformada por: 

• Presidente: Bernardino Martínez Castiñeira
• Vicepresidente: Xurxo Rodríguez Baña
• Secretaria: Mª Jacqueline Lista Fateira
• Tesoureiro: Diego Alonso Freire
• Vocal: Martín González Moya
• Vocal: José Manuel Antelo López

Dende a Asociación de Empresarios de Camariñas destácase "o compromiso da nova directiva co tecido empresarial local, así como a súa vontade de continuar traballando na promoción turística e no desenvolvemento económico da zona. Así mesmo, agradécese o labor realizado pola anterior directiva e reafírmase a intención de seguir impulsando iniciativas que beneficien ao conxunto do sector".

Máis novas