Carnota fai comunidade e fomenta o consumo responsable nunha nova edición do "Mercadillo Regalamos Todo"
Continúa a comprometida familia do Colectivo Carnota fomentando o troco, creando conciencia de comunidade e compartindo o que para eles é unha filosofía de vida.
Porque os “Mercadillos Regalamos Todo” xa son todo un evento, son o centro comercial de consumo responsable da Costa da Morte, a onde se achegan xentes de toda a provincia, a compartir, a conversar, a trocar... a iso, a facer comunidade.
A nova cita será esta fin de semana de 20 e 21 de setembro no Pavillón de Lamas de Castelo, e ademais de todos os produtos que poidan xuntar (podes achegarte coin cousas que non vaias usar e saír con cousas ás que lle darás outra vida), haberá charlas, xogos, e unha divertida pasarela de “secondhand vintage”.
O horario é de 11:00h a 20:00h (ata as 19:00h o domingo).