Descobren un novo petroglifo que podía servir de guía no camiño do Monte Pindo
Segue traendo sorpresas o novo Olimpo Celta, i é que a medida que imos estudiando a súa fisionomía, os seus segredos van descurbindo novas partes da súa mítica historia.
Desta volta, o pasado domingo, dous veciños facían un novo descubrimento nunha das súas habituais andainas. Jordi Tato, directivo da AMPPN, e Iván Franco, concelleiro de Cultura de Carnota, atoparon durante unha visita ao Olimpo Celta un petroglifo que non estaba catalogado, preto do camiño que sube desde o Fieiro.
Trátase dunha cruz extraordinariamente semellante ás presentes no propio cumio da Laxe da Moa, aínda que moito menos erosionada que aquelas probablemente pola súa orientación, e que poderían estar relacionados cos intentos de cristianización dos cultos pagáns que ata hai tempos moi recentes tiñan lugar no Olimpo Celta. O símbolo parece orientarse hacia o camiño de subida
Segundo a asociación, “este descubrimento ten unha gran importancia pois é a primeira vez que se encontra un símbolo destas características nun dos accesos en vez de nun lugar de culto consolidado, como é o caso da Laxe da Moa, pico Penafiel ou Cova da Xoana”.
Hoxe a Asociación Monte Pindo Parque Natural notificiará ás autoridades a ubicación deste achádego para proceder á súa catalogación, incrementando asi o múltiple patrimonio arqueolóxico do Monte Pindo.
Novas relacionadas
- O abandono da recuperación do Monte Pindo chega ao Parlamento.
- 11-09-14: Estado do monte Pindo, un ano despois.
- 11-09-14: #MontePindo: O cabodano da gran catástrofe medioambiental.
- En marcha pola nova ruta polo Monte Pindo.
- 26-06-14: Constatan a recuperación do carballo anano e do lirio do Monte Pindo.
- O nome do Monte Pindo podería vir da lingua gaélica afondando nas súas raíces celtas.
- O Monumento Natural do Monte Pindo, na portada dunha revista científica internacional.
- Descobren unhas formacións líticas circulares no Monte Pindo.
- O Monte Pindo ten máis hábitats prioritarios a protexer que calquera parque natural galego.
- Pepe do Fieiro: “Dicían os nosos vellos…”.
- O gran Castelo chamando Monte Pindo.
- O primeiro Parque Natural galego non será o Monte Pindo.
Fonte
- MPPN.