O grupo Alfolí presenta o seu concerto de música antiga no marco do Medievo corcubionés

A Igrexa de San Marcos de Corcubión acollerá este sábado 25 de xullo de 2026 unha xornada dedicada á música antiga, na que participará o recoñecido Grupo Alfolí. O conxunto presentará o seu espectáculo "Sons Celtas do Barroco", no marco da Feira Medieval de Corcubión e da iniciativa Cultura no Camiño 2026.

O programa ofrece unha viaxe a través de pezas barrocas e tradicionais de música irlandesa, escocesa e inglesa. Para facilitar a asistencia do público, o concerto dividirase en dúas actuacións:

• Primeira actuación (Grupo Alfolí): 13:00 h.
• Actuación inaugural: 20:30 h, a cargo da Coral Airiños de Quenxe.
• Segunda actuación (Grupo Alfolí): 21:00 h.

A entrada é gratuíta ata completar o aforo da igrexa.

O Grupo Alfolí está composto por intérpretes destacados do mundo da música antiga e barroca:
• Gemma Román: Soprano
• Roberto Santamarina: Violín barroco
• Pablo Ruibal: Viola da gamba
• Víctor Blanco: Arpa de dobre corda e guitarra barroca