O BNI da Costa da Morte quere abrir as súas portas
Levan facendo negocio dende 2017 como un dos principais grupos empresarias de todo o estado. O BNI da ACO Dolmen da Costa da Morte é a día de hoxe o 3º grupo de empresas que máis cartos move dos 130 que hai en toda España. “No mes pasado podemos contabilizar máis de 5 millóns de euros en movemento gracias ao BNI”, sinala Javier Iglesias, de Comercial Iglesias, en Tordoia, actual coodinador de apoio a membros.
Iglesias forma parte da directiva que preside Mar Barreiro (Reneymar, Carballo), e que ten a Nicolás Canosa (Servín, Arteixo), como vicepresidente.
Dende a súa fundación, o funcionamento deste singular e esixente colectivo empresarial, se basea na colaboración entre socios, na fixación de obxectivos moi claros e directos e na implicación de todos e cada dun dos participantes.
Desenvolven unha reunión semanal online cada mércores ás 6:00h. Son reunións tempraneiras, que nunca duran máis de 2 horas para que cada profesional poida volver aos seus quefaceres empresariais antes das 8:30h. Pero cada 2 meses fan unha reunión presencial, itinerante e aberta. “Agora somos 72 empresas e autónomso, pero queremos seguir medrando”, e para iso invitan a profeisonais de todos os sectores a poñerse en contacto co BNI (no 669 81 33 60) para poder seren invitados.
A cita será o vindeiro 28 de maio en Arteixo, no Rincón de Pastoriza (o que foi sempre o Mesón Pastoriza), ás 7:15h.
Como cada sesión deste tipo, abrirña a sesión un almorzo de networking para irse presentando, e despois, xa nas mesas, cada empresa socia ten 20 segundos para presentar o seu proxecto e indicar que lle gustaría conseguir dos seus compañeiros (clientes, contactos, colaboración…).
Os invitados tamén teñen 20 segundos para presentar o seu proxecto e indicar que poden ofrecer ao colectivo empresarial.
Tamén teñen un momento de educación, para seguir facendo formación, e un momentode calidade, como unha pequena autoaditoría para calibrar a atención dos presentes.
Deste xeito, o BNI abre un pouco ás súas portas a novas entidades.