A candidatura da Costa da Morte como Reserva Mundial do Surf avanza con impulso
Continúan as reunións e os traballos para perfilar a candidatura da do xeodestino Costa da Morte como 'World Surfing Reserve’. Un nutrido grupo de 25 persoas, entre as que hai profesionais do turismo, deportistas da comunidade surfeira e políticos, están, co apoio da Deputación da Coruña, preparando a solicitude que presentarán este mes de maio, cando reciban a visita do representante para Europa da Save the Waves e se peche así a primeira fase.
Onte tivo lugar unha nova xuntanza do grupo promotor, na que a Comisión Operativa do Proxecto, presentou os avances dende a última reunión da totalidade do grupo, o pasado 28 de marzo, e despois de 3 meses de traballo. Entre outros puntos, a xuntanza acolleu a presentación dos spots e o documento co que se presentará a candidatura ademais de planificar a visita de Tony Butt, representante para Europa da entidade Save the Waves, que nos días 12 e 13 deste mes estará en Costa da Morte para coñecer de primeira man o territorio e explicar aos membros do Grupo Promotor as implicacións que ten a declaración dun territorio como Reserva Mundial de Surf.
A iniciativa intenta convertir a comarca na segunda Reserva Mundial de Surf declarada en Europa, tras da portuguesa Ericeira, e na doceava a nivel mundial. A idea é “asentar e promocionar o deporte no xeodestino Costa da Morte, a través da protección e posta en valor das ondas, que consiga sentar as bases para avanzar no artellamento dun modelo de desenvolvemento sostible arredor do surf”.
Novas relacionadas
Máis novas surfeiras
- As zonas ideais para facer surf na Costa da Morte.
- Surfeando ondas xigantes da Costa da Morte.
- Costa da Morte, a fronteira do Surf Extremo.
- 31-12-14: Surfeando a onda Mutante da Costa da Morte.
- 04-11-13: A Tremosa, a gran e temida onda da Costa da Morte.
- As perigosas ondas das Costa da Morte collen sona internacional.