TeGa persóase no Xulgado con máis argumentos contra os imputados de Coristanco
Continúa o proceso xudicial en Coristanco aberto. A semana pasada declaraba durante 7 horas o alcalde Antonio Pensado no Xulgado de Carballo, e hoxe o grupo da oposición TeGa levanta a voz para seguir esixindo a dimisión dos imputados, e dar un paso adiante: vanse “persoar nas dilixencias previas que se están levando a cabo no Xulgado de Instrucción nº 1 de Carballo, para esclarecer a verdade sobre os feitos investigados e que os veciños de Coristanco poidan coñecer a realidade sobre a xestión do goberno municipal”. De feito, xa enviaron un escrito con todos estes argumentos:
Consideran “gravísimos os acontecementos que están tendo lugar no Concello de Coristanco”, e aseguran ter que “dar un paso adiante e emprender accións máis contudentes ante a ocultación e manipulación da información de que son obxecto os veciños”. I é que “prevaricación, tráfico de influencias, malversación de fondos públicos e fraude son as graves imputacións que pesan sobre o alcalde e 5 concelleiros do grupo de goberno municipal, e 3 concelleiros da lexislatura anterior”.
”Imputacións”, lembran, “directamente relacionadas coa xestión municipal, polo que calquera veciño de Coristanco está directamente afectado polos feitos e ten dereito a estar informado sobre eles”.
Ademais, dende grupo opositor denuncian o “silencio e opacidade por parte do grupo de goberno”, como acontecía no pleno do 24 de xullo no que “o alcalde eludiu todas as preguntas sobre o tema contestando con evasivas e sen dar ningunha explicación”. Denuncia tamén “manipulación da información”, criticando que “o alcalde intentou reducir o caso a un problema entre dúas empresas”, cando para TeGa, “en realidade, ese problema entre dúas empresas foi só o detonante que destapou, mediante o rexistro que se levou a cabo no concello, indicios dabondo sobre as serias irregularidades na xestión municipal”. Dous puntos que levan ao Concello á “negativa a aplicar a Lei de Transparencia”.
TeGa valora a “gravidade dos feitos investigados” ao que hai que sumarlle a “situación económica do Concello, cunha débeda acumulada de 2 millóns de euros e un estricto plan de axuste a 10 anos para amortizala”, pagando “en Coristanco pagamos os impostos máis altos da comarca”.
Máis información
Novas de Coristanco
- 19-09-14: Día de declaracións de alcaldes imputados.
- 20-08-14: TeGa presentará máis medidas para clarexar as imputacións do Concello de Coristanco.
- 19-06-14: A oposición pide a dimisión dun sorprendido alcalde de Coristanco.
- 18-06-14: O alcalde de Coristanco, imputado por prevaricación e malversación de fondos públicos.
- 17-02-14: O BNG de Coristanco valora o rexistro no Concello e critica o PXOM de Cabana.
- 14-02-14: A concesión de obras municipais volve levar a un Concello de Coristanco ante a Xustiza.
- 12-02-14: Rexistro no Concello de Coristanco por suposto delito de prevaricación e tráfico de influencias.
Fonte
- TEGA.
- Redacción de QPC (info@quepasanacosta.gal).