650 pequenos novos atletas

Esto non é que sexa por moda, pois todos os anos hai unha participación semellante. Pero hai potenciais atletas na zona, como o comprobamos na Proba de Campo a Través de Cee 2014. 650 nen@s nas categorías benxamín, alevín, infantil e cadete (masculino e feminino) tomaron parte este venres 5 de decembro de 2014 nunha nova proba de deporte en idade escolar organizada pola Secretaría Xeral para o Deporte da Xunta de Galicia (dentro do programa “XOGADE”) e polo Concello de Cee.

Esta proba é clasificatoria para a fase intercomarcal que celebrará o 23 de xaneiro e que posiblemente poderá ser no Concello de Cee. Clasificáronse os dous primeiros equipos de cada categoría, así como os 8 primeiros clasificados individuais que non pertenzan aos equipos clasificados.

As diferentes probas segundo as categorías deron comezo ás 11:00 horas no Estadio Municipal de Fútbol “San Paio de Refoxos” de Cee e remataron ás 13:00 horas. Nela participaron 12 centros de ensino e 1 club deportivo: Houbo medallas para os 10 primeir@s clasificados en cada categoría e a todos os participantes se lle entregou un pastel e un refresco.

Compre agradecer a labor de Protección Civil.

Novas relacionadas

• Camariñas prepara a súa San Silvestre.
• O coristanqués Cristian Muíño, campión do I Circuito Correndo pola Costa da Morte.
• Jorge Lariño: Saio a correr, non saio a running.
• 2013: Dous vimianceses no podio da San Silvestre de Camariñas e outra na Pedestre carballesa.
• 2012: A San Silvestre disfrazada de Baio.

Fonte

• Redacción de QPC (info@quepasanacosta.gal).