Segunda xornada do 2015 para o fútbol costeiro, aínda coa resaca da Noite máis Solidaria do Fútbol da Costa. De feito, despois da entrega da roupa deportiva para as familias de Vimianzo a través da Cruz Vermella, este luns teremos en Santa Comba a entrega a través dos Servicios sociais municipais nunha iniciativa solidaria, lembren a pesar do silencio administrativo dos medios de comunicación locais, artellada por QPC.
E comezamos o repaso pola Preferente - Senra Sport, cunha vitoria caseira e un empate lonxe da casa para os nosos. O XSC vencían con goles, e o debut de Vía Rápida, e solvencia a un dos de abaixo, e superan ao Dumbría na táboa. Un cadro dumbriés que empatabaante o Residencia e queda no ecuador da táboa.
Na 1ª Autonómica - Clínica Vértebra houbo de todo. O Sofán caía ante o filial do Bertamiráns pero mantén 4 puntos de diferencia sobre o Villestro. De 5º queda o Baio tras vencer en Amio, e para vitoria grande a do Soneira, que foi un auténtico vendabal ante o Agolada. As malas novas chegaban dende Malpica, que caia na súa visita ao Unión e non puido sumar outros 3 puntos despois da aliñación indebida do Silleda do choque aprazado que se disputou no Nadal. O Corme non sacou nada da súa visita ao Piloño, e a Esteirana non acababa de sacar a cabeza a flote e non pasou do empate na casa ante o Lesende, un rival directo.
O partido da semana na 2ª Autonómica - ES Bazarra enfrontaba ao líder cun dos aspirantes, un Volantes que está a facer unha gran temporada. Pero os muradáns non puieron sacar nada positivo de Verdillo e o San Lorenzo afianza o seu liderato, con 5 puntos sobre o Outes, que goleaba ao Camelle, e 7 sobre o Zas, que facía o propio ante o Camariñas. Quedan os laranxas a 10 do líder, 2 por debaixo do Castriz. O cadro xalleiro que caía en Louro, ante un cadro muradán que parece levantar o voo coa segunda vitoria consecutiva e se achega aos Ponteceso, que empata ante o Seaia e Carnota, que vencía en Cee nun partido sempre esperado. O Fisterra vencía ao Buño, Cabana e Mazaricos empataban a 3, o mesmo resultado do Porteño-Baíñas. Precisamente, a nova dominical é a volta de Pablo Mallón aos bancos da Costa. O que fóra adestrador do Sofán, toma o relevo de Mario no Baíñas.
E cambio de líder na 3ª Autonómica - Clínica Xunqueira para rematar a 2ª das 4 voltas. O Ameixenda completa a súa 4ª xornada sen gañar, e caía ante o Lira. Pola contra, o Cerqueda sumaba a súa 5ª vitoria consecutiva ante o Nantón e se coloca un punto por diante. Por detrás, o Corcubión, que descansaba, a 3 do liderato, o Lira a 8 e o Nantón a 11. O Muxía vencía ao Laxe e se mete definitivamente na pelexa pola Promoción.
Finaliza a primeira fase en Xuvenís
E rematou a primeira fase das Ligas Xuvenís, e xa temos aos 6 equipos que competirán na Liguilla Previa á Fase de Ascenso á Liga Galega. Pola Liga Sur - MáisDeporte, serán Dumbría, XSC e Os Miúdos, quedando finalmente a Esteirana fóra do poido, que terá que disputar a previa da Copa. O partido da xornada, o Dumbría-XSC reparaba nun empate moi vivido, permitindo que o cadro dumbriés remate a fase sen coñecer a derrota.
Xa polo Norte a cousa estaba solventada, e Camariñas, Cabana e Porteño confirmaron a súa presencia na seguinte fase. Pero o fixeron de diferente maneira. O Camariñas cerciorou o seu poderí cunha clara vitoria en Ponteceso con outros 3 tantos de Javi, mentres que Cabana e Porteño caían ante Coristanco e Corme.
Moita base
E nas Ligas Autonómicas, mala xornada para os dumbrieses, que caían ante grandes como RC Deportivo e CD Lugo, pero boa para o XSC que vencía e se toma un bo respiro na táboa da Liga Galega Cadete.
Xa nas Ligas Locais, o Corme, malia descansar, mantén o liderato na 1ª Cadete, pero só cun punto sobre un Cabana que non tivo piedade do Coristanco, e con 2 sobre o Ponteceso. Na 1ª Infantil, o Fisterra empate no máis alto co XSC ca súa vitoria e o empate dos xalleiros en Outes. Os múidos e o Cabana seguen por detrás coas opcións intactas tralas súas goleadas.
Ademais, o Outes mantén a súa hexemonía nas F8 Alevín Costa Sur e na F8 Benxamín Costa Sur, se ben nesta, tocáballes descansar e Fisterra e Cee B os alcanza na clasificación.
Volven os Veteranos
Primeira xornada do 2015 para os Veteranos, e o fai co Hosgran máis líder da 1ª División, ao vencer ao Castriz e aproveitar o empate entre os seus perseguidores Coristanco e Dumbría. O San Román volve colocarse aí, o mesmo que o Zas tras golear ao Soneira en Vimianzo. Mentres, na 2ª División o Agualada segue destacando mentres o Erbecedo toma unha pequena vantaxe sobre o Porteño e San Isidro na pelexa pola segunda praza.
Estes son os 80 resultados da xornada deste 10 e 11 de xaneiro de 2015, e saben que as táboas coas clasificacións e as tendencias as teñen en www.futboldacosta.com:
