As infantís do Ponteceso FSF pechan un ano completo

Aí as vemos, ás Leticia, Lara, Savannah e Bea (arriba) e mais Sarai, Zeltia, Andrea e Lidia (abaixo). Son as xogadoras infantís do Concello de Ponteceso FSF, que este ano fixeron unha gran temporada como as súas maiores.

O equipo, formado por oito rapazas (Bea (porteira), Savannah e Sarai (cierres), Zeltia, Andrea, Lidia e Leticia (alas) e Lara (pívot) e adestradas por Barca e Martina (xogadora e capitana do primeiro equipo) acabou a súa segunda campaña como campión zonal, subcampión intercomarcal e no cuarto posto no campeonato provincial.

E ó igual que o equipo senior, as infantís participaron tamén no torneo de FUTSACO de A Coruña, no cal quedaron subcampionas perdendo a final contra o Amarelle.

As rapazas completaron un bo ano, gracias ó cal, co seu traballo e esforzo, dúas delas, a porteira Bea e a ala Zeltia, estando aínda en idade infantil, foron preseleccionadas para a Selección Coruñesa de Categoría Cadete, sendo Bea convocada para os partidos xogados en Santiago, xunto con Ana, xogadora en idade cadete do primeiro equipo, e non Zeltia por non poder ir a todos os entrenamentos previos.

Queres formar parte do Ponteceso FSF

Para a vindeira tempada varias xogadoras do equipo infantil formarán xa parte do equipo senior, participando así na Liga Provincial Feminina. Se hai rapazas de entre 10 e 14 anos para o equipo infantil e de 15 anos en diante, interesadas na práctica deportiva e competitiva do fútbol sala, e que queiran aprender ou seguir mellorando cada ano, poden poñerse en contacto con Barca (o entrenador) no teléfono 646857348.

Novas relacionadas

• O Ponteceso FSF pecha un ano moi Íntegro.
• 3 xogadoras do Ponteceso FSF á Selección Coruñesa.
• O Fisober complícase a permanencia e o Ponteceso FSF despídese da Copa.
• Unha de Maratón ante as derrotas de fútbol sala.
• O Ponteceso FSF, único equipo costeiro nas semifinais da Copa Provincial.
• O Ponteceso FSF repasa o seu terceiro ano de existencia.

Fonte

• Redacción de QPC (info@quepasanacosta.gal).
• Nota de prensa do Ponteceso FSF da man de Barca.