Preferente: Accidentada derrota da SD en Noia
Dous lesionados, un expulsado, un tanto anulado, un dos goles locais con dous homes carballeses no chan... Polémica a vitoria do Noia na visita do Sofán. Unha derrota que deixa aos carballeses con 2 puntos tras 4 xornadas disputadas.
Noia - Sofán (2-0)
- Sofán: Gardu, Gody, Becerra, Raúl, Fita, Fabián, Dani Pena, Currás, Martín, Braian e Javi Souto Tamén: Pablo, Alexandre, Luca, Aarón Fdez., Brais Cancela, Gallego e Bandera.
- Goles: 1-0, m.60: Brian; 2-0 m.65: Brian.
Saíu ben plantado o cadro de Pablo Torreira, dominadores con balón durante a primeira media hora, sen sufrir atrás pero tampouco sen grandes ocasións. Pero chegaban os problemas coas lesións de dani Pena e Gody. Pouco despois e apenas un par de minutos antes do descanso, o colexiado expulsaba a Dani Becerra tras unha xogada na que os carballeses pediron falta previa.
Arrincaba a segunda metade co Noia algo máis enriba, aproveitando a vantaxa numérica. Pero o primeiro gol non gustou nada á parroquia vermella. Dous balonazos provocan que dous xogadores visitantes queden botados no chan, e o equipo local no campo de lanzar o balón fóra aproveita a vantaxe e marca…
O Noia seguía mandando, sen grandes ocasións, agás unha boa man e o segundo gol nunha xogada de rebotes a balón parado.
O sgeundo tanto practicamente mataba o partido, porén contra o final, Bandera marca nun córner pero o colexiado volve aparecer para anular o tanto.
CRÓNICAS DA PREFERENTE
- X.3: Segundo 3-3 na casa
- X.2: O Sofán mereceu máis no Municipal de Gallamonde.
- X.1: O Sofán arrincou a temporada no Carral.