Volve a Gala do Fútbol da Costa - QPC con 40 premios

Os xa míticos balóns da Olería de Buño nunha das Galas do Fútbol da Costa-QPC
Ubaldo Cerqueiro
20 de abril de 2022 (07:44 h.)
A cita servirá para consolidar a presencia do #Futfem no panorama futbolístico costeiro

Xa temos data para a final da Copa da Costa 2022. E coma sempre, a previa será coa celebración da Gala do Fútbol da Costa-QPC. A 7ª edición volve tras dous anos de obrigada parada, e farao en Malpica a fin de semana do 1 e 2 de xullo.

A gran novidade deste curso será a irrupción do Fútbol Feminino, que terá, por fin, o seu merecido protagonismo, provocando ademais que a cifra de premios supere os 40.
11 ideal masculino e feminino, Mellor Equipo; Mellor Xogador e Xogadora, Mellor Adestrador, Árbitro e Delegado do Ano; Premio Histórico… serán algún dos premios, entre os que non faltarán as homenaxes ao pequeno Abdoulaye e Pombo.

Como non podía ser doutro xeito, as eleccións dos galardoados volverán ser participativas, e serán ducias de xogadores, directivos, afeccionados, adestradores… do noso fútbol os que elixan aos mellores do curso.

Faremos ademais un repaso por estes dous complicados anos, destacando iniciativas como a de #QPCtv ou o Álbum do FutFem Galego, impulsado por esta casa.

Cómpre agradecer a disposición e colaboración do Concello de Malpica con este evento. Xa o anterior grupo de goberno se comprometera a acoller o acto, e o actual non dubidou en coller o relevo e poñerse á nosa disposición para o que sexa necesario.

Mentres, o forno da Oleiría Feituras xa traballan arreo para ter os xa míticos balóns de Buño listos.

Repaso das Galas

Etiquetas
Preferente 1ª Galicia 2ª Galicia 3ª Galicia Liga da Costa premios