Malpica prepara o gradiómetro para continuar co proxecto da Croa do Castro de Cerqueda

O Concello de Malpica consigue a autorización da Dirección Xeral de Patrimonio da Xunta de Galicia para pasar o gradiómetro na Croa do Castro de Cerqueda.

 

 A primeira acción a executar será un desbroce mecánico con control arqueolóxico para

que a superficie do castro permita desenvolver a prospección con toda a comodidade.  

 

Segundo o arqueólogo Carlos Otero Vilariño, “se non fora pola chuvia caída durante esta semana, xa se poderían ter realizados os labores técnicos de campo estes días”. Durante o pase do gradiómero, Carlos Otero contará coa colaboración da poboación local e membros do INCIPIT, respectando as medidas COVID. 

 

Tralo traballo de campo e a montaxe das imaxes de profundidade obtidas, o Concello de Malpica exporá os resultados ao público.

Historia do proxecto da Croa do Castro

• Xullo 2020: A Croa do Castro volve abrirse á arqueoloxía social
• Xullo 20: Xosé Manuel Varela describe a Croa do Castro para Senda Nova.
• Xullo 2020: A Croa do Castro prepárase para a escavación.
• Xullo 2019: Malpica tala a contorna a Croa do Castro para poder escavar o xacemento.
• 2018: A Croa do Castro, unha visita monumental para a Semana Santa.
• Abril 2015: Os voluntarios descobren a porta orixinal da Croa do Castro de Cerqueda.
• Febreiro 2015: Os veciños de Cerqueda presumen da súa Croa do Castro.
• 2013: Croa do Castro: A arqueoloxía oleira.