The Muros Times saca o seu número de Nadal
Xa temos na rúa (ou mellor dito, na rede) o número 8 da revista dixital The Muros Times. Esta fiestra aberta de Muros para o mundo, para a diáspora, saca o seu número de Nadal, que festexa o fin do ano que veu nacer esta publicación que pon en valor o patrimonio histórico, cultural e artístico que atesoura o concello costeiro.
As cifras que presenta a redacción son moi boas. Fala de 800 os siareiros directos na páxina de Facebook de The Muros Times e foron 6400 os que accederon á versión online da revista no mes de outubro. Cifras que alentan aos 13 membros da redacción e ás ducias de colaboradores a seguir adiante.
Neste Nadal podemos recordar a Domingos Dosil, visitar os hórreos de Torea, marcharnos á diáspora para coñecer a Leandro Tajes na República Dominicana ou a Yolanda Beiro en Barcelona. Poderemos coñecer mellor a Rosarío Piñeiro, recordar a Guerra contra os franceses no 1809, facer un repaso polos beléns da vila... Para rematar cantando unha panxoliña de Nadal.
Máis información
Novas relacionadas
- The Muros Times supera os 5.000 lectores e quere medrar.
- Un novo número da revista “The Muros Times” xa está na rede.
- A bitácora da semana (CLXXXIX): Grupo de Facebook I love Muros.
- Patrimonio, historia e actualidade para unir Muros coa diáspora a través da rede.
- 23-04-13: Nace The Muros Times para abrila fiestra entre a Costa da Morte e a diáspora.
- O Muros mariñeiro viaxou no tempo.
- O Arquivo Histórico da USC dixitaliza documentos de Carballo, Corcubión e Muros.
Fonte
- Redacción de QPC (info@quepasanacosta.gal).