40 páxinas e máis de 20 redactores trae este nçumero do mes de novembro a revista "The Muros Times". Esta fiestra aberta á historia de Muros, que nacía a través da rede, segue achegando mundos, e facendo partícipe á diáspora, da vida cotiá muradana.

E non lle chega o espazo de todas as colaboracións coas que conta! De feito, a editorial ten que ir na última páxina, e nela explica a avalancha de propostas coas que conta para publicar, ademais de falar dos 5.000 lectores cos que conta a revista online.

Interesantes sempre esas recollidas das xentes que viven fóra, eses emigrantes que seguen tendo Muros no corazón, e tamén na cabeza. Este mes a revista marcha ata Alicante para coñecer a Ramona León Caamaño; ata Alcalá de Henares con Pili González; ata Lanzarote con Segundo García ou ata Cáceres co fillo da Cabicha.

Pero tamén mira para dentro e recupera persoeiros importantes na vida social muradana como Juan José Martínez Fernández, o xogador de xadrez David Lariño Nieto, ou o párroco José Manuel Pan Lago.

Hai tamén interesantes artigos que recuperan anacos da nosa historia, coma os castros; outros que chegan en clave de actualidade como un sobre o "bullyng", ademais de traer artigos sobre saúde.

Destaca tamén a reseña sobre os fotógrafos muradáns e esta semana a protagonista é Nieves Formoso Vidal.

• Ler online o nº7 da revista The Muros Times.

Novas relacionadas

• Un novo número da revista “The Muros Times” xa está na rede.
• A bitácora da semana (CLXXXIX): Grupo de Facebook I love Muros.
• Patrimonio, historia e actualidade para unir Muros coa diáspora a través da rede.
• 23-04-13: Nace The Muros Times para abrila fiestra entre a Costa da Morte e a diáspora.
• O Muros mariñeiro viaxou no tempo.
• O Arquivo Histórico da USC dixitaliza documentos de Carballo, Corcubión e Muros.

Fonte

• Redacción de QPC ([email protected]).