Nace The Muros Times para abrila fiestra entre a Costa da Morte e a diáspora
Impresionante ver como a rede une mundos. Este pasado sábado, a aula de informática da Casa de Cultura de Muros acollía a presentación da novedosa Revista dixital The Muros Times. Unha "fiestra aberta á liberdade", que pretende achegar as realidades de Muros ás súas xentes na diáspora.
Os impulsores son un nutrido grupo de personalidades do eido cultural muradán. E, curiosamente, non son precisamente rapaces os que se lanzan á rede. Resulta fantástico ver como personas de mediana idade se modernizan para unir aos fillos de Muros separados polo océano a través das novas tecnoloxías.
E falando de diáspora, a revista, que será mensual e aberta a quen queira participar, a presentación aproveitou as ferramentas da comunicación para realizar sendas videoconferencias con colaboradores que residen en EE.UU ou Madrid. "Salvo pequenos imponderables coa conexións cos compañeiros de Alén do mar, o acto resultou moi entrañable e enriquecedor", cóntannos os protagonistas.
"Muros ten moito que contar á cultura galega", explicaba Quin Negreira, un dos voceiros. E precisamente por aí van os contidos. A revista, este "caixon dixital" muradán, terá un maioritario contido cultural e patrimonial.
O acto, que contou coa colaboración municipal e a presencia da alcaldesa, Carida González, remataba cun pouco de música, da man da Agrupación Faltriqueira.
Aquí vos deixamos un vídeo da presentación de Aurelio Santiago Pedrosa:
Máis información
Novas relacionadas
- The Muros Times, unha nova fiestra aberta á liberdade.
- A bitácora da semana (CLXXXIX): Grupo de Facebook I love Muros.
Fonte
- Redacción de QPC ([email protected]).
