Despois da primeira e divertidísima semifinal, que mete a Alba Castro e Luís de Camelle na finalísima, este venres 16 de maio o Camping Lago Mar de Merexo acolle a segunda semifinal.

Os 4 candidatos que buscarán as outras díuas prazas na gran final, serán Charly Char (@eusoncharly da Capela), Tano Bafar (@tino.barros_ de Arca, O Pino), ambos con experiencia tamén no programa televisivo, ademais da tamén camellá Demelsa e do coruñés Miguel Canalejo (@miguel.canalejo), coñecido no mundo do audiovisual, que aínda vén de presentar a gala dos premios do Carballo Interplay.

E xa o 23 de maio, a gran final cos 4 finalistas, e cunha proposta algo distinta e máis completa.

Bos premios terán os gañadores cun primeiro premio de 300€ e unha fin de semana con aloxamento e pensión completa no camping para dúas persoas; e varios premios máis.