QPC achega á rede aos veciños de Corme e Ponteceso

Arrincaban este sábado 16 de novembro dous novos cursos de formación 2.0 no Concello de Ponteceso. As aulas de informática do Centro Cultural de Ponteceso e da Casa do Mar de Corme acollían as inauguración dun curso sobre internet e redes sociais que imparte Ubaldo Cerqueiro, responsable de Quepasanacosta.

Unha ducia de persoas en Ponteceso e 8 en Corme comezaban así a sumerxirse na rede coas gañas de aprender a manexar as novas tecnoloxías, Cómpre dicir que a media de idade é avanzada, o que demostra o interese dos nosos maiores en aprender a entender a linguaxe que xa utilizan os seus pequenos.

Precisamente con esa intención chegan estes cursos. Este particularmente, tras facer un achegamento á rede, e á rede en galego, farase un repaso polos espazos informativos na rede sobre a Costa da Morte e sobre Ponteceso, e pasarase a falar do Facebook, esa rede social na que estamos inseridos 1 de cada 2 españois.

O Curso durará, cada sábado, ata o 28 de decembro, e forma parte do proxecto de formación de QPC en materia tecnolóxica, axundando a reducir a fenda dixital na nosa bisbarra.

Formación QPC

• Ponteceso e QPC artellan un curso sobre a internet e as redes sociais.
• QPC espalla o poder da rede entre os maiores de Dumbría.
• A rede une ás familias de Muxía.
• Muxía aprende a manexar as Novas Tecnoloxías en Igualdade.

Fonte

• Redacción de QPC (info@quepasanacosta.gal).