Vimianzo volve apostar pola programación continua para o outono
Xa temos programa para os vindeiros 3 meses de outono no Auditorio de Vimianzo. Unha programación que continúa despois de varios anos de fomento da cultura na comarca de Soneira, i é que está máis que demostrado, que os programas longos, cando o veciño sabe que o domingo hai función, teñen máis éxito.
Deste xeito, os domingos de aquí ao Nadal estarán tinguidos de representacións teatrais e musicais. Ao Auditorio soneirán achegaranse figuras de primeira liña da escena e da música galegas como os actores Cándido Pazo, Luís Iglesia, Xavier Deibe ou a compañía Talía, o músico Xan Curiel e o grupo Os da Ría.
Pero tamén atoparán oco os interprétes da Terra de Soneira como o Grupo de Teatro da Escola Municipal de Zas, os interpretes de Vimianzo ou as corais de Camariñas, Baio e Vimianzo.
Aquí vos deixamos o programa completo e o de outubro, máis concreto, pero sabedes que tendes todas as citas debulladas en www.axendacostadamorte.com.
Novas relacionadas
- O FIOT convirte ás tabernas de Carballo en lugares de culto.
- Programación continua, receita para encher os auditorios.