Rober Cagiao pechou o curso do Club de Lectura de Adultos do IES de Baio
Pecha o curso do Club de Lectura de Adultos do IES Maximino Romero de Lema, que volve demostrar o bo estado de saúde destas iniciativas arredor dos libros.
Despois de varios meses nos que os libros se converteron nun punto de encontro para o diálogo, a reflexión e o goce da literatura, a visita de Rober Cagiao ao Club de Lectura de Adultos converteuse nunha magnífica oportunidade para conversar arredor da súa obra "Cadea de favores". Durante o encontro, o autor compartiu coas persoas asistentes detalles sobre a creación da novela, as inspiracións da historia e diferentes reflexións sobre a escrita e o proceso creativo.
A sesión desenvolveuse nun ambiente próximo e participativo, no que os lectores e lectoras puideron intercambiar impresións co autor, formular preguntas e afondar nos temas e personaxes da obra, facendo da lectura unha experiencia compartida e enriquecedora.
O Club de Lectura retomará a súa actividade o vindeiro curso con novas lecturas e novos encontros arredor dos libros.